السلام عليكم ورحمة الله وبركاته
عذاب قبر و سوال نکرین کا اعتقاد جو شریعت محمدیہ میں مسلم الثبوت و اھادیث صحیحہ و کثیرہ سے ثابت ہے۔ بعض احباب اس کا ثبوت قرآن شریف سے چاہتے ہیں۔ (ظہیر حسین)
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
عذاب قبر کا ثبوت ملتا ہے۔ فرعونیوں کے حق میں مذ کور ہے (النّارُ يُعرَضونَ عَلَيها غُدُوًّا وَعَشِيًّا ۖ وَيَومَ تَقومُ السّاعَةُ أَدخِلوا ءالَ فِرعَونَ أَشَدَّ العَذابِ ﴿٤٦﴾ سورة غافر... فرعونیوں کو آگ کے عذاب پر صبح و شام پیش کیا جاتا ہے۔ اس کے علاوہ ارشا د ہے (وَمِن وَرائِهِم بَرزَخٌ إِلىٰ يَومِ يُبعَثونَ ﴿١٠٠﴾سورة المؤمنون... حدیثوں میں ان دو آیاتوں کی تفصیل ہے۔
یہ عذاب قبر بطو حوالات کے ہے۔ پورا عذاب قیامت میں ہوگا۔ اسی طرح اے کلاس کے لوگوں کےلئے قبر میں کچھ راحت بھی ہے۔ پوری راحت قیامت کو ملے گی۔
ھذا ما عندي والله أعلم بالصواب
ماخذ:مستند کتب فتاویٰ
