سرچ انجن کی نوعیت:

تلاش کی نوعیت:

تلاش کی جگہ:

(738) کوئی ایسا وظیفہ بتائیں کہ اللہ تعالیٰ مجھ پر کرم کرے۔

  • 5106
  • تاریخ اشاعت : 2024-03-28
  • مشاہدات : 2742

سوال

السلام عليكم ورحمة الله وبركاته

صاحب کوئی ایسا وظیفہ بتائیں کہ اللہ تعالیٰ مجھ پر کرم کرے۔               (محمد امجد)


الجواب بعون الوهاب بشرط صحة السؤال

وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!

مندرجہ ذیل دعا کثرت سے پڑھتے رہا کریں:

((اَللّٰھُمَّ أَصْلِحْ لِیْ دِیْنِیَ الَّذِیْ ھُوَ عِصْمَۃُ أَمْرِیْ، وَأَصْلِحْ لِیْ دُنْیَایَ الَّتِیْ فِیْھَا مَعَاشِیْ ، وَأَصْلِحْ لِیْ آخِرَتِیَ الَّتِیْ فِیْھَا مَعَادِیْ وَاجْعَلِ الْحَیَاۃَ زِیَادَۃً لِیْ فِیْ کُلِّ خَیْرٍ ، وَاجْعَلِ الْمَوْتَ رَاحَۃً لِیْ مِنْ کُلِّ شَرٍّ))2

[’’رسول اللہ  صلی الله علیہ وسلم یہ دعا پڑھتے تھے: اے اللہ! میر ے دین کی درستی فر ما دے جو میر ے معاملات زندگی کے تحفظ کا ذریعہ ہے اور میری دنیا کی اصلاح فرما دے جس میں میں نے اپنی زندگی کے ایام گزارنے ہیں اور میری آخرت سنوار دے جس میں دنیا کے بعد میرا دائمی ٹھکانہ ہے اور زندگی کو میرے لیے ہر بھلائی کی زیادتی کا ذریعہ بنا دے اور موت کو میرے لیے ہر شر سے آرام کا سبب بنا دے۔‘‘]

                                                                                ۱۱/۱۱/۱۴۲۳ھ

2 صحیح مسلم/کتاب الذکر والدعائ/باب التعوذ من شر ما عمل و من شر ما لم یعمل۔

 

قرآن وحدیث کی روشنی میں احکام ومسائل

جلد 02 ص 733

محدث فتویٰ

ماخذ:مستند کتب فتاویٰ