سرچ انجن کی نوعیت:

تلاش کی نوعیت:

تلاش کی جگہ:

(327) کس کی سنت حجت ہے؟

  • 22775
  • تاریخ اشاعت : 2024-03-28
  • مشاہدات : 753

سوال

السلام عليكم ورحمة الله وبركاته

زید کہتا ہے کہ سوائے افعال واقوال رسول اللہ  صلی اللہ علیہ وسلم  وخلفائے راشدین وصحابہ رضوان اللہ عنھم اجمعین  مجتہدین کسی کا فعل سنت نہیں ہے اور عمرو کہتا ہے کہ سوائے قسمیں سنت متذکرہ بالا کے افعال واقوال علماء بھی سنت ہیں؟


الجواب بعون الوهاب بشرط صحة السؤال

وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!

زید اور عمرو جس سنت میں اختلاف کرتے ہیں،اگر ان کی مراد اس سے شرعی سنت ہے،جس کی پیروی علی العموم کل اہل اسلام پر لازم ہے تو ماسوارسول مقبول صلی اللہ علیہ وسلم کےکسی کےاقوال وافعال وتقاریر سنت نہیں ہوسکتے۔باقی خلفائےراشدین کے اقوال وافعال بحکم:

"عَلَيْكُمْ بِسُنَّتِي وَسُنَّةِ الْخُلَفَاءِ الرَّاشِدِينَ"[1]سنت میں داخل ہوں گے۔

پس خلفائے راشدینرضوان اللہ عنھم اجمعین  کے اقوال وافعال گویا رسول اللہ صلی اللہ علیہ وسلم  کی سنت قولی ٹھہری۔واللہ اعلم بالصواب۔


[1] ۔سنن ابی داود رقم الحدیث(4607) سنن الترمذی رقم الحدیث(2676) سنن ابن ماجہ رقم الحدیث(42)

 ھذا ما عندی والله اعلم بالصواب

فتاویٰ علمائے حدیث

جلد 04

ماخذ:مستند کتب فتاویٰ