کیا نبیﷺ کے واسطے سے دعا مانگنا جائز ہے؟
نبی ﷺ کے واسطے سے دعامانگنا نہ قرآن سے ثابت ہے اور نہ حدیث سے لہذا یہ بدعت ہے۔ عثمان بن حنیف رضی اللہ عنہ والی روایت کا تعلق زندہ کی دعا سے ہے ، وسیلے سے نہیں۔ کیونکہ آپ نے انن کے بارے میں دعا مانگنے کا وعدہ فرمایاتھا، کسی ایک صحیح حدیث میں بھی آپﷺ کی وفات کے بعد آپ کے وسیلے سے دعامانگنا ثابت نہیں اور نہ سلف صالحین صحابہ رضی اللہ عنہ تابعین اور تبع تابعین نے اس پر عمل کیا ہے ۔وہ سب بغیر وسیلے کے براہ راست اللہ سے ہی مانگتے رہے ہیں لہذا صرف اللہ سے ہی بغیر کسی واسطے کے دعا مانگنی چاہیے ۔
تنبیہ : طبرانی کی جس روایت میں سیدنا عثمان بن حنیف رضی اللہ عنہ کے بارے میں وفات کے بعد دعا کا ذکر آیا ہے ۔اس کی سند ضعیف ہے ۔ دیکھئے شیخ البانی کی کتاب : التوسل واحکامہ
ھذا ما عندی واللہ اعلم بالصوابماخذ:مستند کتب فتاویٰ
