سرچ انجن کی نوعیت:

تلاش کی نوعیت:

تلاش کی جگہ:

(26) کاغذ پر اسم اللہ یا اسم محمد لکھنے کا حکم

  • 5768
  • تاریخ اشاعت : 2024-03-28
  • مشاہدات : 1451

سوال

السلام عليكم ورحمة الله وبركاته

اکثر ناموں میں اسم اللہ یا اسم محمد ہوتا ہے اور کاغذ پر نام لکھتے وقت بہت شوق سے لکھ بھی دیا جاتا ہے اس میں بے حرمتی کا قوی امکان موجود ہے۔ سوال یہ ہے کہ کیا نام کے ساتھ اسم اللہ یا محمد لکھنا لازم ہے یا بے حرمتی سے بچنے کا کوئی طریقہ موجود ہے۔؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!

اسم اللہ یا اسم محمد کے ساتھ پورا نام لکھنے میں کوئی حرج نہیں ہے ،لیکن بعد میں اسے بے حرمتی سے بچانا چاہئے۔ اگر بے حرمتی کے ڈر سے پورا نام لکھنے کی بجائے صرف اشارہ ہی کر دیا جائے تو بظاہر اس میں بھی کوئی حرج نظر نہیں آتا، لیکن اس تخفیف سے نام کے معنی میں کوئی فساد لازم نہیں آنا چاہئے۔ نیز جہاں امتیاز اور دستاویزات میں نام کی ضرورت ہو وہاں تو پورا نام ہی لکھا جائےگا ،ورنہ التباس لازم آئے گا۔

ھذا ما عندی واللہ أعلم بالصواب

فتاویٰ  ثنائیہ

جلد 01

ماخذ:مستند کتب فتاویٰ