سرچ انجن کی نوعیت:

تلاش کی نوعیت:

تلاش کی جگہ:

(69) ایک شخص نے دھوتی پہنے ہوئے وضو کیا..الخ

  • 5576
  • تاریخ اشاعت : 2024-03-29
  • مشاہدات : 1467

سوال

السلام عليكم ورحمة الله وبركاته

کیا فرماتے ہیں علمائے دین اس مسئلہ میں  کہ ایک شخص نے دھوتی پہنے ہوئے وضو کیا اور بعد فارغ ہونےکے دھوتی اس کی ہوا سے اُڑ کر کاندھے پرجاپڑی اور جانگ کھل گئی، اب عرض یہ ہے کہ جانگ کے کھل جانے سے وضو اس کا باطل ہوا یا نہیں، فقط  بینوا توجروا


الجواب بعون الوهاب بشرط صحة السؤال

وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!

صورت مسئولہ میں  دھوتی کے کھل جانے سے وضو نہیں ٹوٹتا، چنانچہ صحیح  بخاری میں  ہے ۔ الا تغطوا است قارئکم الحدیث جب کہ چوتڑ کے کھل جانے سے وضو نہیں ٹوٹتا تو جانگ کے کھل جانے سے بدرجہ اولےٰ نہیں ٹوٹے گا ،فتح الباری میں  ہے ، وکذا من[1] استدل بہ بان ستر العورۃ فی الصلوٰۃ لیس شرطا لصحہا بل ھو سنۃ و اللہ اعلم بالصواب۔ حررہ عین الدین عفی عنہ۔     (سید محمد نذیر حسین)



[1]   اس سے  یہ استدلال بھی کیا جاسکتا ہے کہ ستر عورت صحت نماز کے لیے شرط نہیں ہے۔


فتاوی نذیریہ

جلد 01 

ماخذ:مستند کتب فتاویٰ